ချစ်သူနှင့်ပတ်သက်သောအပိုင်းအစများ (၁)

ကျမချစ်သူ။
သူကအရပ်ရှည်ရှည်၊ မျက်နှာချိုချို၊ နှုတ်ချိုချို၊ ရုပ်ရည်ကတော့သာမာန်ဘဲ။ မိန်းခလေးတွေနှစ်သက်တတ်တဲ့ ထူးခြားချောမောတဲ့ရုပ်မရှိဘူး။ ပြောရမယ်ဆုိုရင် ကျမစိတ်ကူးထဲကချစ်သူရဲ့ပုံရိပ်ထဲမှာပါတာဆုိုလို့ အရပ်ရှည်တာ၊ဖေါ်ရွေတာ နဲ့ ဦးဆောင်တတ်တာပဲရှိတယ်။ သြော်..ကျန်သေးတယ်။ ခြေသည်းလက်သည်းသပ်သပ်ယပ်ယပ်ညှပ်လေ့ရှိတာ
လေးလည်းပါတယ်။

သူ့ ကိုကျမစသိတုန်းက သူကမိန်းခလေးတွေနဲ့ ဆုိုစကားအရမ်းနည်းတယ်။
ကျမတုို့ ကအုပ်စုတောင့်တော့သူ့ ကိုခဏခဏမထိခလုတ်ထိခလုတ်စကြတယ်။ သူကအရမ်းအေးပြီးဘယ်သူနဲ့ မှစကားမပြောတဲ့ တတန်းထဲသားချင်းကုိုး။ စ ချင်စရာပေါ့။
အဲတုန်းက ကျမတုို့ ကျောင်းတက်နေတော့ဒုတိယနှစ်မှာကွင်းဆင်းရတယ်။ ကျမတုို့ အဖွဲ့ ခွဲတော့သူကကျမတို့ အုပ်စုထဲပါလာတော့အလုပ်အတူလုပ်ရတယ်လေ။ နည်းနည်းတော့ပြောဖြစ်ကြတာပေါ့။ ကျမသူငယ်ချင်းက အရမ်းလောင်တော့ သူ့ ကုိုတစ်ချိန်လုံးတွေ့ တာနဲ့ စကားရောဖောရောနဲ့ စ တာဘဲ။ ကွင်းမဆင်းခင်တုန်းကသူငယ်ချင်းက သူ့ ကိုလှမ်းတွေ့ လုိုက်တာနဲ့ .. "ကို.....  ......ကြီး" လုို့ လှမ်းခေါ်...ဒီနေ့ အတန်းတက်မှာလား...လက်တွေ့ ရှိတယ်နော..ဘာညာလှမ်းပြောတာနဲ့ ..ဟုတ်ကဲ့..ဟုတ်ကဲ့..
ဆုိုပြီးတန်းကနဲလစ်တော့တာဘဲ။
သူကကျောင်းလာရင်လည်း အဲတုန်းကလွယ်အိတ်မလွယ်ဘူး။ ကျမတို့ အစ်ကိုတွေကိုင်တဲ့သားရည်ဖုံးလေးတွေထဲမှာစာအုပ်လေးငါးအုပ်တွဲထဲ့ထားတာမျိုးတစ်ခုပဲကုိုင်တယ်။
ပြီးတော့နေ့ တုိုင်းလည်းကျောင်းမတက်ဘူး။ ပေါ်လာလိုက်ပျောက်သွားလိုက်ဘဲ။

တစ်အုပ်စုတည်းကျတော့မှ ဘယ်ကုိုပျောက်ပျောက်နေတာလည်းဆုိုတာသိရတယ်။
သူပျောက်ပျောက်နေတာအကြောင်းနှစ်ကြောင်းရှိတယ်။ တစ်ကြောင်းက သူ့ အစ်ကိုနဲ့ အလုပ်လုိုက်လိုက်လုပ်တာ။
သူ့ အစ်ကိုက ကုန်သည်။ ငွေရှာနုိုင်တော့သူကအဲဒါကိုသဘောကျပြီး အစ်ကိုနဲ့ လိုက်လိုက်အလုပ်သင်ပေါ့။ အစ်ကိုကကျောင်းကုိုအေးဆေးတက်စေချင်တာကိုသူကလုိုက်လိုက်သွားတာလေ။
ဒါကြောင့်ပျောက်ပျောက်နေတာ။
နောက်တစ်ကြောင်းကတော့ သူကကျောင်းလက်ရွေးစင် စစ်တုရင်ထုိုးတာမှာ။ အဲဒါသွားသွားထုိုးနေတော့ကျောင်းလာပြန်တော့လည်းအတန်းထဲမှာမရှိဘူးပေါ့။

ကျမတုို့ တွေကွင်းဆင်းတော့မှအရမ်းခင်ပြီးရင်းနှီးသွားကြတာလေ။
မနက်ကုိုကွင်းဆင်း။ ပြန်လာရင် နေ့ လည်စာစား။ စားပြီးအတန်းတက်ရတော့အရမ်းအိပ်ငိုက်ကြတာပေါ့။
အဲဒီအချိန်ဆုို ကျမသူငယ်ချင်း လောင်စိန်က ဘယ်သူ့ ကိုဘယ်လို စ ရမလည်းပဲကြံနေတာ။ ဘာမှအခွင့်မသာရင် ဘေးကရှေ့ကလူတွေကို ပုံဆွဲ။ ကျမလည်း မြင်တာတွေဆွဲ။ သီချင်းတွေရေး။ ကဗျာတွေချရေး။ ဘယ်လုိုဗရုတ်ကျရမလည်းတွေးနေကြတာ။

ကျမကအစ်ကိုတွေအများကြီးကြားမှာကြီးလာတာဆုိုတော့ အစ်ကုိုတွေအစ်မတွေသူငယ်ချင်းတွေနဲ့ အိမ်မှာကခင်ခင်မင်မင်ရင်းရင်းနှီးနှီးငယ်ငယ်လေးကတည်းကနေလာခဲ့ရတာဆုိုတော့
လူမစိမ်းဘူး။ သူငယ်ချင်းဖြစ်လွယ်တယ်။ ဒါကကျမရဲ့သဘာဝပေါ့။

အမေကအိမ်မှာ သူ့ သားတွေကိုခေါ်ရင် ရှေ့က ကိုကိုထဲ့ပြီး မှ နောက်ကနံမည်တွေတွဲခေါ်တတ်တယ်။ အမြဲတော့မဟုတ်ဘူး။ တစ်ခုခုပြောချင်ရင်တုို့ သတိပေးချင်ရင်တုို့ ခုိုင်းချင်ရင်တုို့ ပေါ့။ အစ်ကို အကြီးကိုမောင်မောင်တစ်လို့ ထားပါတော့။ နှစ်ကို မောင်မောင်နှစ်....သုံးကုို မောင်မောင်သုံး..ထားပါတော့။ အဲဒါဆုိုအမေက ဒီလိုခေါ်တယ်။ ကဲ...ကိုကိုမောင်မောင်တစ်ရေ..အမေ့ကိုဒါလေးတော့ လုပ်ပေးဦး။  ကဲ...ကိုကုိုမောင်မောင်နှစ်ရေ..ဘာညာပေါ့။ အဲဒီတော့ကျမတုို့ ညီအစ်မတွေကလည်းအစ်ကိုတွေမောင်တွေကို ခေါ်နေကျ ကနေသွေဖယ်ပြီး တစ်ခုခုပြောတော့မယ်ဆုိုရင်...ကုိုကိုတစ်ရေ...ဘာညာ။ အငယ်ကုိုလည်း ကိုကိုထွေးရေ..ဘာညာပေါ့။ ခေါ်လေ့ရှိကြတယ်။

အဲဒါတစ်ရက်ကျတော့အတန်းထဲမှာ သူငယ်ချင်းကဘာလည်းမသိပါဘူး အဲဒီငိုက်ကောင်းတဲ့အချိန်မှာသူ့ ကို စလုိုက်တယ်။ သူကငိုက်နေတာလေ။ စာအုပ်လေးငုံ့ ကြည့်ပြီး စာကူးနေသလိုလိုဘာလိုလိုနဲ့ ။ သူလည်းငိုက်တာလူမိသွားလို့ ဓါတ်ကျသွားပုံဘဲ။ မကြာပါဘူး။ ဆရာကလည်းထွက်ရော။ သူတို့ (ကျမသူငယ်ချင်းနဲ့ သူနဲ့ ) စကားပြောနေတုန်း
ကျမက လက်တွေ့ ဆင်းရတဲ့ အကြောင်းတစ်ခုကိုပြောမလို့ သူတို့ နားသွားပြီး ကဲ...ကိုကို ".... ....." ရေ လို့ ခပ်သောသောလေးအစ်ကိုတွေကိုပြောသလိုအကျင့်ပါပြီးစကားစမိတော့...
အဲဒီကျမချစ်သူဖြစ်လာမဲ့လူကြီးကဘယ်လိုပြန်ပြောတယ်မှတ်လဲ။
သူတစ်ခုခုပြန်ပြောလိုက်တယ်ထားပါတော့။

ကျမသူအဲလိုပြန်ပြောခဲ့တာကိုသတိမရတော့ဘူး။
 ကျောင်းတွေပြီးလို့ သူငယ်ချင်းတွေလည်းလုပ်ငန်းခွင်ဝင် နှစ်ပေါင်းများစွာကြာသွားတယ်။
ကျမသူငယ်ချင်းလောင်စိန်လည်း ဂျပန်ရောက်ပြီးအိမ်ထောင်ကျ ခလေးလေးတစ်ယောက်ရ။
ကျမတုို့ တွေလည်းမဆုံကြတော့ဘူး။
ကျမလည်းလုပ်ငန်းခွင်ဝင်။ နယ်သွားလိုက်။ တစ်ခါတစ်လေ နုိုင်ငံခြားသွားလိုက်။ ရန်ကုန်မှာနေလိုက်နဲ့ ။ သူငယ်ချင်းသစ်တွေမိတ်ဆွေသစ်တွေတောင်သူငယ်ချင်းအရင်းတွေဖြစ်နေပြီ။
တစ်ရက်မှတ်မှတ်ရရ အမေရိကန်နုိုင်ငံကပြန်လာခါစလေးမှာ
သူငယ်ချင်းလောင်စိန် ဘယ်ကနေဘယ်လိုစုံစမ်းပြီးရလာတယ်မသိဘူး။ ကျမစီကို ဖုန်းဆက်လာတယ်။ ကြားထဲမှာသူနဲ့ နှစ်ခါသုံးခါလာက်တော့ဆုံလိုက်ပါသေးတယ်။ ခဏဘဲ။ သူ့ အမေဆုံးတုန်းကရယ် လမ်းမှာတွေ့ လို့ ရယ် ကျမအမေဆုံးတုန်းကရယ်။ အဲဒီနေ့ ကရှေးဟောင်းနှောင်းဖြစ်တွေပြောကြတာမနက် သုံးနာရီလောက်တောင်ထုိုးရော ညကိုးနာရီဆယ်နာရီလောက်ကစပြောတာ။ ဖုန်းနဲ့ ထိထားရလို့ နားတွေတောင်မှကျိန်းပြီးနာတယ်။ ဘယ်လောက်များပြောသလဲဆုိုတော့။ သူနဲ့ အစပြုပြီးငယ်သူငယ်ချင်းတွေအကုန် ပြန်ဆက်မိသွားကြတယ်။ ငယ်သူငယ်ချင်းဆိုတာသူငယ်တန်းကနေ ဆယ်တန်းထိလုံးထွေးနေလာခဲ့တဲ့သူငယ်ချင်းတွေနော်။ နောက်တော့မှ ငယ်သူငယ်ချင်းတွေအကြောင်းရေးပါဦးမယ်။

ဟုိုပြောသည်ပြောတွေပြောပြီး သူ့ အကြောင်းရောက်သွားတော့..
သူငယ်ချင်းကမှတ်မှတ်ရရဘာပြောတယ်မှတ်ပါသလဲရှင်။
သူ ကျမကိုပြန်ပြောခဲ့တဲ့စကားလေ။
ကျမလုံးဝသတိမရ။ မမှတ်မိတော့တာကုို လောင်စိန်သူငယ်ချင်းကမှတ်မိနေတာ။

"ဟဲ့...နင့်ကို အဲတုန်းက " ကို ..... .....     ကြီး" ပြန်ပြောတာမှတ်မိသေးလား" တဲ့။
"ဟင့်အင်း..ဘာပြောတာလဲ..ငါမမှတ်မိဘူး"ဆုိုတော့...
"အဲလိုပြန်ပြောလို့ ငါတုို့ မှာရယ်လိုက်ရတာလေ" တဲ့။ "နင်မမှတ်မိဘူးလား"တဲ့။ "ဟင့်အင်း...ဘာလဲ...ငါတော့လုံးဝမမှတ်ဘူး"

နင်ကလည်း "ကို..တစ်လုံးဆုိုတော်ပါပြီဗျာ"......ဆုိုတာလေဟာ...တဲ့။
ဟား..ဟား..ဟား
ကျမချစ်သူဟာအဲလိုလူ။

ပျော်ရွှင်ကြပါစေ။
ခင်မင်လေးစားသော...
အိုင်အိုရာ

(စကားချပ်...ကျမတုို့ ညီအစ်မတွေခုထိ သူငယ်ချင်းတွေမောင်တွေတူတွေကုို ရှေ့က ကုိုကုိုထဲ့ခေါ်ပြီးပြောတုန်းဘဲ။ အမြဲခေါ်တာမဟုတ်ဘူး။ တခုခု ပြောချင်ရင်တုို့ အကူအညီလိုရင်တုို့ ။း))