Sometimes, I feel like I would like to share something with my old friends, new friends and my family members. This is just a place where I, my friends and my family members can share our ideas and our interests.

Wednesday, August 31, 2011

ဘလော့ဂါပွဲဈေးတန်းမှာ ယောင်လည်လည်

အခုတော့ခက်ပြီ။ ထိုင်နေကောင်းသား ထသွားမှ ကျိူးမှန်းသိ။ သူမဇွဲမကောင်းမှန်း လူတွေသိကုန်တော့မည်။ ပွဲဈေးမှာခင်းကျင်းရတာ သွားလည်ရတာ အလွန်အချိန်ကုန်သည်။ ကုန်မှန်းမသိကုို ကုန်သည်။ အရေးကြီး ကိစ္စများရှိနေရက်နဲ့  ပွဲဈေးကုိုဘဲ စိတ်ကရောက်နေသည်။ ဘလော့ဂါပွဲဈေးတန်းကြီးထဲ သွားသွားလည်ပြီး ညနက်သန်ခေါင်မှ အိမ်ပြန်ရောက်။ အိမ်ပြန်ရောက်တော့လည်း မပြီးသေး။ ဈေးတန်းထဲက သူများက ဒေါ်အိုင်အိုရာ့ အိပ်မက်ထဲထိလိုက်လည်ကြသေးသည်။ အိပ်မက်ကနိုးတော့ အိပ်မက်ထဲလိုက်လည် သူများကို အိပ်မက်ထဲ ကရုပ်သွင်ပြင်ဖြင့် မှန်းဆရင်း ဆက်သတိရနေသေးသည်။ အလုပ်ပျက်ရုံနှင့်မပြီးသေးအိပ်ရေးဆက်ပျက်သေးသည်။ တွေးနေတော့ လွယ်လွယ်နဲ့ ပြန်အိပ်မပျော်။ တကယ်တော့ ဒေါ်အိုင်အုိုရာတစ်ယောက် ပွဲဈေးတန်းကဲ့သို့ လူစည်သောနေရာများကို ပျော်မွေ့ တတ်သူမဟုတ်။ သုို့ သော် ပွဲဈေးတန်းကုို သွားလာနေကြသော သူများကို ငေးကြည့်ရသည်ကုိုတော့ အတော်သဘောကျမိသည်။ ဒေါ်အိုင်အိုရာ က လူမသိသူမသိနေရသည်ကုို အလွန်နှစ်သက်သည်။ မိမိကုို မည်သူမှ မသိလေကောင်းလေ။ ဒါမှ မဟုတ်တာလုပ်မိလျှင် လူမသိမည်ဖြစ်သည်။

ပြောရလျှင် ဒေါ်အိုင်အိုရာတစ်ယောက် ပွဲဈေးထဲရောက်သည်က ပြန်ကြားရေးဌာနများမှ သတင်းများကို စတင်စိတ်ဝင်စားမိရာမှစသည်။ ဒီ့နောက်မှာတော့ ကျောင်းတက်နေတုန်း စာတွေကများ ဟင်းကောင်းကောင်းမချက်နုိုင် ဟင်းကောင်းကောင်းမစားရတော့ ဘလော့ဂါ ပွဲဈေးတန်းမှာ ခင်းကျင်းထားသော ဟင်းလျာများကို သွားသွားသွားရည်ယိုရင်း စာကျက်ရန်အင်အားယူရသည်။ အဲသည်ကစပြီး စာမေးပွဲပြီးတိုင်း ပွဲဈေးသွားသွားလည်ပြီး ဟင်းလျာများကို ငေးသည်။ သုို့ သော်အချိန်ရှားသူမို့ မှန်မှန်တော့မရောက်ဖြစ်။

ပွဲဈေးကုိုရောက်လာပြီးတဲ့နောက် ကုိုယ်လည်း ဆုိုင်တစ်ဆုိုင်ဖွင့်ချင်လာသည်။ ဆိုင်စခင်းဘို့ လုပ်တုန်းက ဆရာရင်းတယောက်က ငှက်နှင့်ပတ်သက်သည့် ပြခန်းလေးလုပ်ခုိုင်းလို့ စနည်းနာရင်း ဆုိုင်ခန်းတစ်ခန်း ကိုယ့်ဖာသာ တည်ဆောက်ခဲ့မိသည်။ ကုိုယ်က သည်လိုဆောက်ဖူးတာမဟုတ်တော့ နည်းလမ်းများ တော်တော်ဖတ်ရသည်။ သည်လိုနဲ့ ဘဲ သူမဖာသာတစ်ဦးတည်း စမ်းသပ်ပြီး ချောချောမွေ့ မွေ့ ဆုိုင်လိုလို ပြခန်းလိုလို လေးတစ်ခု ဖြစ်သွားသည်။ သို့ သော် အခန်းဟောင်းလောင်းကြီးနှင့်တော်တော်ကြာသွားပြီး ပြခန်းလည်းမဖြစ် ဆုိုင်ခန်းလည်းမဖြစ် ဟုိုလိုလိုသည်လိုလိုဖြစ်နေခဲ့သည်။ နောက်တော့ ကျောင်းပြီးမှ ဆုိုင်ခန်းမကျ ပြခန်းမကျ ဖွင့်ဖြစ်ခဲ့သည်။

စတုန်းကတော့ ဒေါ်အိုင်အိုရာတစ်ယောက် သည်လုိုတွေးခဲ့သည်။ သူမကသဘာ၀၀န်းကျင်ထိန်းသိမ်းရေးကုို သည်းကြီးမည်းကြီးစိတ်ဝင်စားသူ၊ ငှက်များကိုချစ်သူ၊ ခရီးသွားခြင်းကိုနှစ်သက်သူ၊ စာဖတ်ဝါသနာပါသူ၊ ဟင်းချက်မုန့် လုပ်စသည်များကို အပျင်းပြေ လုပ်ချင်သူ၊ ပြည်တွင်းပြည်ပ ခရီးသွားအတွေ့ အကြုံများကို  မိတ်ဟောင်းမိတ်သစ်များအား ဝေငှချင်သူ၊ တခါတခါ ဘာရယ်မဟုတ် သူမခံစားတွေးတောမိသည်များကို ဖွင့်အံချင်သူ ဆုိုတော့ ပြခန်းမကျ ဆုိုင်ခန်းမကျလေးဖွင့်ပြီး လာသမျှရွှေပွဲလာပရိသတ်များကို ဈေးခွန်မပေးရလေတုိုင်း အလကားပဲတင်း ပြခန်းလေးမှာ တင်ပြမည်ပေါ့။  ပြခန်းတဘက်၊ ဆုိုင်ခန်းတဘက်ဆုိုပါတော့။ ဆုိုင်ခန်းမှာတော့ အိမ်ချက်ဟင်းလေးတွေ တင်ပြီး မိတ်သစ်မိတ်ဟောင်းတွေကို စားစေချင်လို့ ဈေးပေါပေါနဲ့ ရောင်းမည်ပေါ့။

တကယ်တော့ ဟင်းချက်ပြီးခင်းကျင်းရသည်ကလွယ်သည်။ ဦးနှောက်သုံးစရာမလို။ မဟုတ်လည်း ကုိုယ်ကနေ့ တုိုင်းထမင်းဟင်းချက်စားနေသည်ဘဲ။ ဘာမှအပန်းမကြီး။ ဓါတ်ပုံရုိုက်မှတ်တမ်းတင်ရတာလည်း ၀ါသနာထုံတော့ ဟင်းလျာများကိုကြော်ငြာရသည်မှာလည်း မခက်ခဲ။ တစ်ခုဘဲ ခက်သည်က သူမ၏ ချစ်ချစ်က အစားအသောက်များဆုို ပူပူလောင်လောင်မှ နှစ်သက်တော့ သူမ ဆုိုင်အတွက် ဓါတ်ပုံရုိုက်နေလျှင် ဟင်းတွေအေးကုန်တတ်၍ မျက်နှာမညိုအောင် ပြန်အပူပေးရသည်။ သို့ မဟုတ် သိသိကြီးနှင့်ပူပါသေးတယ်ဟု နွေးတေးတေးဖြစ်သွားသောဟင်းများကို ချော့ကျွေးရသည်။

သည်လိုနှင့် ဈေးသည်ကြီးဆန်နီ ဖြစ်မှန်းမသိဖြစ်လာသည်။ ပြခန်းတင်ဘို့ အကြောင်းအရာတွေ အတွက် စာဖတ်ရမည်။ ကိုးကားစာအုပ်များတင်ပေးရမည်။ တင်မည့်တင် ပြခန်းလာသူ၊ (ရည်ရွယ်လာသူရော၊ လမ်းမှားရောက်လာသူရော၊ ဘယ်လိုဘဲရောက်လာရောက်လာ ကံဆိုးသူများဟုပင်ဆုိုရမည်။) အတွက် တစုံတခု အကျိူးရစေချင်သည်။ သည်လိုနှင့်ဘဲ လုံးလည်ချာလည်လိုက်ရင်း အတွေးများက အကောင်အထည်ပေါ်လာသည်ကနဲနဲ မသိချင်ယောင်ဆောင်ကာဟင်းတွေဘဲချက်ရောင်းနေတော့သည်။ ဟင်းတွေကလည်း အာဟာရနှင့် ပျော်ရွှင်မှုတော့ပေးသည်ဘဲလေ။ သည်လိုနှင့် လူတွေကလည်း သူ့ ကုို ဈေးသည်ကြီးဆန်နီဘဲထင်နေကြတော့သည်။ အဲသည်မှာ ရွှေပွဲတော်လာ ပရိသတ်တွေ၊ ပြခန်းဆုိုင်ခန်းရှင်တွေ နှင့် မျက်မှန်းတန်းရင်းခင်မင်လာတော့သည်။ ခင်မင်သော်ငြားလူချင်းက နီးနီးကပ်ကပ်မြင်ဘူးကြသည်တော့မဟုတ်။ အဝေးမှဝါးတားတားဖြင့်ခင်နေကြခြင်းသာဖြစ်သည်။ သည်တော့ ငယ်သူကို အမလို့ ခေါ်လိုခေါ် ကြီးသူကို ညီမလို့ ခေါ်လိုခေါ်။ သူမက တမင်ဟန်ဆောင်လိုသည်မဟုတ်သော်လည်း သူမကုို လူမသိစေလို။ ထင်ပေါ်ကြော်ကြားမှုကိုမလိုချင်။ ထင်ပေါ်သူများ လွတ်လပ်မှုဆုံးရှုံးကြတော့သူမကမထင်ပေါ်ချင်။ လွတ်လပ်မှုကိုတော့ တန်ဘုိုးထားသည်။ (မြန်မာပြည်ကလာသည်လေ။)  အေးအေးဆေးဆေးနေချင်သည်။ ပျော်ပျော်ရွှင်ရွှင်နေချင်သည်။ရန်သူမလိုချင်။ သို့ သော်မိတ်ဆွေများက တခုတ်တရ နှုတ်ဆက်သွားလျှင်သော်၎င်း၊ အဝေးမှ လက်လှမ်းပြသွားလျှင်သော်၎င်းစိတ်ထဲမှ သိပ်ကုိုပျော်မိသေးသည်။ 

ဒေါ်အိုင်အုိုရာက အသက်တော့မငယ်တော့။ သူမတုို့ သူငယ်ချင်းအချင်းချင်းပြောစကားနှင့်ဆုိုလျှင် "One foot is already in the grave " ဖြစ်နေပြီ။ သို့ သော်စိတ်ကတော့နုပျိုဆဲ။ လှချင်တုန်း။ သွားချင်လာချင်တုန်း။ ပျင်းချင်တုန်း။ စားချင်တုန်း။ သူမမမွေးခင်ကပင် သူမမှာ တူတူမများရှိနှင့်နေပြီမို့ လူ့ လောကမရောက်ခင်ကပင် တီတီဖြစ်နေခဲ့သူ။ ဖြစ်ချင်တော့သူမခပ်ငယ်ငယ်မှာ သူမအထက်နှစ်ယောက်ကအကို ကငယ်ငယ်နှင့် အိမ်ထောင်ပြုတော့ နောက်ထပ်တူတူမ တွေ ငယ်ငယ်လေးကတည်းကထပ်ရခဲ့သည်။ ပြောချင်သည်က ဒါကြောင့်လည်း ဒေါ်အိုင်အိုရာတစ်ယောက် လူငယ်များကို အလွန်ချစ်ခင်တတ်သည်။ သံယောဇဉ်ရှိတတ်သည်။ လူငယ်ကဲ့သို့ ပင်နေထုိုင်သွားလာတတ်သည်။ အိမ်ထောင်ကျတော့ လည်းသားသမီးမရှိ။ သူမ၏ကုိုကုို ကို အသက်ကြီးပေမဲ့ ချွဲတုန်း။ နွဲ့ တုန်း။ အမများရဲ့လက်ရာကိုတမ်းတတုန်း။ လူကြီးတွေကိုလည်း အလွန်ချစ်တတ်သည်။ သူမ၏မိဘများမရှိတော့ မိဘများအမှတ်ထားပြီး အလွန် ကူညီချင်သည်။ သူငယ်ချင်းများဆုိုလျှင်တော့ မပြောနှင့်တော့။ အပြန်စကား ပွဲသိမ်းစကား သူမဘယ်တော့မှ စ မပြော။

ဒေါ်အိုင်အုိုရာက သူ့ ကို အထင်သေးမှာတော့ မပူပေမဲ့ အထင်ကြီးမှာ အလွန်ကြောက်သည်။ လူတွေက သူ့ ကို ရှိသည်ထက်ပိုတော်သည် တတ်သည်ဟုထင်မှာလည်း သိပ်ကြောက်သည်။ ဘလော့ပွဲဈေးတန်းထဲက သူအားလုံးကို လည်း မသိ။ သိရန်လည်းမကြိုးစား။ ရသည့်အချိန်လေးတော့ ပွဲဈေးထဲ သွားဈေးခင်း လျှောက်လည်လုပ်သည်။ မြန်မာတွေ အလွန်တော်ကြသည်ဟု ပွဲဈေးသွားလည်တုိုင်း သူမဖာသာ ကျေနပ်ဂုဏ်ယူသေးသည်။ ပွဲဈေးမှာ ချိတ်ကြစောင်းကြလျှင် မိမိနှင့်ဘာမှမဆုိုင်ပေမဲ့ စိတ်မသက်မသာဖြစ်တတ်သည်။ သွားသတိ စားသတိ နေမှ။ အသွားမတော်တစ်လှမ်း အရေးမတော်တစ်ကြောင်းဟု ကုိုယ့်ကုိုကိုယ်သတိပေးရသည်။ မိမိ၏ဆုိုင်မကျ ပြခန်းမကျကို တစ်ဦးဦး ရောက်လာလျှင် ဧည့်ဝတ်မကျေမှာစုိုးသည်။ ကုိုယ်သွားလို့ ဆုိုင်ရှင်က ဧည့်များလို့ ကုိုယ့်ကို သတိမထားမိလျှင်လည်း တိတ်တိတ်ပြန်လာတတ်သူ။ ဒေါ်အုိုင်အိုရာ တခုတော့စိုးရိမ်မိသည်။ တခါတရံ ဧည့်မှတ်တမ်းမှာစာသားမှတ်ချက်လေးတွေပေးသည့်အခါ လေသံ၏ tone ကိုမသိတော့ နောက်တောက်တောက်ရေးမိလျှင် တဘက်လူက နားလည်ခွင့်လွှတ်ပါ့မလားဟု။

ဘလော့ဂါပွဲဈေးတန်းကြီးကတော့ဖြင့် တနေ့ တခြားပိုလို့ ပုိုလို့ စည်ကားလို့ နေသည်။ ပွဲဈေးလျှောက်ရင်း ဗျူတီဆလွန်းဆုိုင်သစ်လေးတစ်ခု၊  အထွေထွေစတုိုးဆုိုင်လေးတစ်ခုပန်းချီကားတုို့ ဓါတ်ပုံတို့ တင်တဲ့ဆုိုင်လေးတစ်ခု၊ ကို စိတ်ဝင်စားဘွယ်ရာ တွေ့ မိသည်။ မိတ်ဆွေများကို သွားဘို့ တုိုက်တွန်းရအုန်းမည်။ ဒေါ်အိုင်အိုရာတစ်ခုသတိထားမိသည်ကတော့ ပွဲခင်းကျင်းသူများ နှင့် ပွဲလာလည်သူများ သည် သူတို့ ၏ အရွယ်အလိုက်၊ ပညာအလိုက်၊ နောက်ကြောင်းအလိုက်၊ အသုိုင်းအ၀ိုင်းအလိုက်၊ ၀ါသနာအလိုက်၊ ခင်းကျင်းရောင်းချပြသည့် ဟန်များကွဲပြားကြသည်။ တစ်ခါတစ်ရံ အသက်အရွယ်ကြောင့် အမြင်ချင်းမတူသည်ကုို တွေ့ ရသည်။ တစ်ခါတစ်ရံ ၀ါသနာအလိုက် အကြိုက်ချင်းမတူကြသည်ကိုတွေ့ ရသည်။ တစ်ခါတစ်ရံ နောက်ခံပညာရပ်ချင်း မတူကြသောကြောင့် ညီးငွေ့ ခြင်းများ ရှိသည်ကိုတွေ့ ရသည်။ သို့ သော် လေးစားစရာ တစ်ခုကတော့ ဘလော့ဂါ အများစုဟာ ရင့်ကျက်သူများဖြစ်ပြီး အလွန် ဒီပလိုမေစီရှိကြသည်။ ယဉ်ကျေးစွာ ဖြင့် ကူးလူးဆက်ဆံကြသည်။ ဘောင်ကိုသိကြသည်။ စည်းမကျော်ကြ။ အလွန်နှစ်သက်စရာကောင်းလှသည်။ ဒါကြောင့်လည်း ဒီပွဲဈေးကြီးမှာ ဒေါ်အိုင်အိုရာတစ်ယောက် ယောင်လည်လည် နှင့် ဆုိုင်မခင်းတောင် ပြခန်းမပြင်တောင် လည်မြဲလည်နေအုန်းမည်မှာသေချာလှသည်။


(၂၀၁၁ ဘလော့ဒေး အမှတ်တရ အဖြစ် ကုိုမြစ်ကျိုးအင်း ရဲ့ဘလော့ဂါပွဲဈေးတန်း ကိုဖတ်ပြီး ပြန်လည်ရေးသားပါသည်။ တက်ဂ်သူ ရုို့စ် ကျေနပ်ပါစေရှင်။)
ဘလော့ဂါအားလုံးစိတ်ချမ်းသာကုိုယ်ကျန်းမာပြီး လိုရာဆန္ဒများပြည့်ကြပါစေလို့ ဆုတောင်းလိုက်ပါတယ်ရှင်။

ခင်မင်လေးစားသော..
အိုင်အိုရာ




Wednesday, August 24, 2011

ဒန့် သလွန်သီး နဲ့ ငါးဟင်း၊ မျှစ်ကြော်၊ ငရုတ်သီးဆားထောင်း

 ခရမ်းချဉ်သီးများများနဲ့ အနှစ်များဆီသတ်ပြီး ငါးများထဲ့အပြီး

 ဒန့် သလွန်သီးများသိပ်မပျော့စေချင်လို့ ငါးကျက်ခါနီးမှ ထဲ့ပါတယ်။
 ပြီးတော့ ရေဆူထဲ့ မန်ကျည်းရည်ထဲ့ ပွက်ပွက်ဆူအောင်ပြန်တည်

 ငါးဟင်းချခါနီးတော့ ရုံးပတေသီး လေးထဲ့ ၊ နံနံပင်အုပ်။ မျှစ်ကုို ပုဇွန်ခြောက်နဲ့ ကြော် ငရုတ်သီးဆားထောင်းလေးနဲ့ တွဲဖက်စား







စိတ်တိုင်းကျ သုံးဆောင်နုိုင်ပါပြီ။
ဟင်းလေးတွေ မတင်ဖြစ်တာ ကြာနေလို့ မတင်ဖြစ်တဲ့ရက်တွေ တုန်းကချက်စားဖြစ်ခဲ့တာတွေ တင်ပေးလိုက်ပါတယ်ရှင်။

ခင်မင်လေးစားသော...
အိုင်အိုရာ

Friday, August 12, 2011

အမိုးရေ... ကြယ်တွေကြွေရဲ့ လား....

အမိုးရေ... ကြယ်တွေကြွေရဲ့လား...

မနေ့ က အိမ့်ချမ်းမြေ့ရဲ့ကြယ်မိုးကိုဖတ်မိပြီး ဒီအကြောင်းလေးကုိုရေးချင်စိတ်တွေ တဖွားဖွားပေါ်လာပါတော့တယ်။ မတားနဲ့ တော့ ရေးပြီ......း)
ကြယ်ကြွေတဲ့ (ကြယ်မိုး) အကြောင်းကို စာကြီးပေကြီးရေးမယ်လို့ တော့မထင်လိုက်ပါနဲ့ ရှင်။ (ကျမလို လူပြိန်းသိတဲ့ ကြယ်ကြွေ တာဟာ ဒီနေရာမှာ ကြယ်မိုး လို့ အိမ့်ချမ်းမြေ့ ကတင်ပြထားပါတယ်ရှင်။)

ကျမအရင်တုန်းက သစ်တောလေးတခုမှာ အလုပ်လုပ်ပါတယ်။ သစ်တောဆုိုတော့ မြို့ပြနဲ့ လည်း နဲနဲတော့အလှမ်းဝေးတာပေါ့။ တနေ့ တော့ သူငယ်ချင်း ဘိုမလေး (အမေရိကန်မလေး) က ဖုန်းဆက်လာပါတယ်။ သူ ကျမနေရာကို လာပြီး ကြယ်တွေကြွေ (star shooting လို့ သူကပြောပါတယ်) တာလာကြည့်ချင်တယ်လို့ ပြောပါတယ်။ တောထဲမှာဆုိုတော့ လျှပ်စစ်မီးရောင်တွေ အဆောက်အဦ တွေ မရှိတော့ မဲမှောင်ပြီး ကောင်းကင်ကျယ်ကြီး ကို စိတ်တိုင်းကျ မော့ကြည့်နုိုင်တယ်လေ။ ကျမအမှတ်မမှားဘူးဆုိုရင်တော့ အဲဒါ နုိုဝင်ဘာ လဖြစ်ပါလိမ့်မယ်။ ကျမကသိတဲ့အတုိုင်း ငှက်သမားပါ။ တယ်လီတွေ မှန်ဘီလူးတွေ နဲ့ တချိန်လုံး အလုပ်ရှုပ်နေပေမဲ့ ကြယ်တွေ လတွေကို ပျင်းရင်အပျော်ကြည့်တာကလွဲလို့  သေသေချာချာ စောင့်ကြည့်ဘို့ ဆုိုတာ တခါမှတောင် မတွေးဘူးပါဘူး။

သူကပြောလာတယ်။ အဲဒီလထဲက အဲဒီရက်ပိုင်းတွေမှာ ကြယ်တွေအများကြီးကြွေလိမ့်မယ်တဲ့။ မြင်တွေ့ ဘူးနေကျလိုမျိုးမဟုတ်ဘူးတဲ့။ ကောင်းကင်ပြင်ကြီး ကနေ ဟုိုကကြွေလိုက် ဒီကကြွေလိုက်အများကြီး မြင်ရမှာ။ သိပ်စိတ်ဝင်စားစရာကောင်းတယ်တဲ့။ တရက်က ပိုများမယ်တဲ့။ ဟုတ်ပါပြီ။ ဒီလောက်ပြောရင် ကျမကပါဝင်ဆင်နွှဲဘုို့ အသင့်ဖြစ်နေပါပြီ။

သူပြောတဲ့ပိုများမယ်ဆုိုတဲ့ တရက်ကလည်း ဖုန်းဆက်ပြီးနောက်တနေ့ ။ ဒါနဲ့ ကျမလည်း သူ့ ဆန္ဒလည်းဖြည့်ပေးချင်။ ကျမကုိုယ်တိုင်လည်း အတွေ့ အကြုံသစ်တခုကို တောထဲသွားပြီး ယူရမယ်ဆုိုတော့ စိတ်ဝင်စားမိနေပြီဆုိုတော့ အစီအစဉ်မြန်မြန်လေးဆွဲပြီး လိုအပ်တာတွေလုပ်လိုက်ပါတယ်။

အထက်လူကြီးကို အသိပေး လိုအပ်တဲ့ခွင့်ပြုချက်ယူ။ ကျမတို့ စတည်းချဘို့ သစ်တောထဲက ရေကန်လေးဘေးက ဧည့်ဆောင်လေး ကိုသုံးဘုို့ စီစဉ်။ သူငယ်ချင်းတွေ ရသလောက်စု။ ထုံးစံအတိုင်း မပါမဖြစ် အစားအသောက်တွေ ၀ယ်ဘို့ ၊သယ်ဘို့ ၊ချက်ဘုို့ စီစဉ်။ ဧည့်ဆောင်လေးကို ထိန်းသိမ်းစောင့်ရှောက်တဲ့ ကရင်အမျိုးသမီးကြီးအမိုးတုို့ စုံတွဲ ကို ကျမတုို့ လာမဲ့အကြောင်းအကြောင်းကြား။ တောထဲမှာ လူသူဝေးတဲ့နေရာမှာ နေရတဲ့ အမိုးတို့ ကလည်း ကျမတုို့ လာမယ်ဆုိုရင် သိပ်ပျော်တယ်။ ပျော်ပျော်ပါးပါး ချက်ကြ စားကြ သူတို့ ကို လည်း မုံ့ ဘိုးတွေပေး။ စကားတွေပြော။ သီချင်းတွေဆုိုကြ။  အစားအသောက်တွေဆို လည်း သူတို့ အတွက်ပါပိုယူသွားပြီး၊ ပါသွားတာအကုန်ပေးထားခဲ့တော့ ကျမတို့ လာမယ်ဆုိုရင် အရမ်းတက်ကြွပြီး ပျော်နေတာ။ အမြဲတမ်း လည်း စားစရာတွေက နောက်တပါတ်လောက်စားလုို့ ရအောင်ပုိုနေတတ်ပါတယ်။ အမိုးချက်တဲ့တောဟင်းလေးတွေကလည်း စားလို့ ကောင်းတော့ ကျမတို့ လာမဲ့ ညစာနဲ့ နောက်နေ့ နံနက်စာတွေ ကိုချက်ဘို့ အတွက် အမိုးကိုဟင်းလျာတွေလှမ်းပို့ ပြီး အဆင်သင့် စီစဉ်ထားလိုက်ပါတယ်။   မှတ်မှတ်ရရ အဲဒီနေ့ က သီးစုံကုလားဟင်း၊ ဘဲဥခေါက်ကြော်၊ ငါးဖယ်ကြော်၊ ငါးကြော်၊ ငပိရည်ဖျော်  တုို့ စရာပေါင်းစုံနဲ့ ၊ ညစာစီစဉ်လိုက်ပါတယ်။ (ဘိုမကအကုန်စားတယ် ပူစရာမလို)။ အဲဒီနေ့ မနက်ပုိုင်းကတည်းက လိုအပ်တဲ့ပစ္စည်းတွေ ကိုယ့်စီမှာရှိနေတဲ့ ငှက်ကြည့်တဲ့တယ်လီ တို့ ၊မှန်ဘီလူးတုို့ ၊ သပနပေါင်းစုံကို အရင်တခေါက်ပို့ ထားပေါ့။

အဲဒီနေ့ ညနေစောပုိုင်းကျတော့ကျမအိမ်မှာ အရင်စုရပ်လုပ်ပြီးမှ တောထဲကို ကျမသူငယ်ချင်းတွေ မိန်းခလေးတွေရော၊ ယောက်ျားလေးတွေရော၊ ကျမ မမ၊မောင် နဲ့ တူမလေးတွေရော (မမကအပျိုကြီးပါ) ဘိုမရောတပြုံကြီး အားလုံးကိုးယောက်လမ်းလျှောက်ပြီးချီတက်သွားကြပါတယ်။ အားလုံးကလည်း တခါမှ မမြင်ဘူးတာတွေ ကိုစောင့်ကြည့်ဘို့ အတွက် စိတ်တွေလှုပ်ရှားတက်ကြွလို့ ပျော်ပြီးဆူညံနေကြတာဘဲ။ စားစရာတွေလည်းစီစဉ်ပြီးသားဆုိုတော့ တောထဲမှာ ပစ်ကနစ်ထွက်ရသလိုပေါ့လေ။ (အစားအသောက်တွေစီစဉ်ထားပြီးသားလို့ လည်း မျှားရသေးတယ်။ သူတို့ ကလည်းသိပါတယ်။ ကျမစီစဉ်ပြီဆုိုရင် အနဲဆုံး လက်ဖက်သုပ်၊ထမင်းဖြူနဲ့ ကော်ဖီမစ်တော့ တ၀ကြီးစားသောက်ရမယ်ဆိုတာ။)

အလုပ်မရှိ ဗိုက်ဆာဆုိုတဲ့ကျမတုို့ အုပ်စုဟာ ဟိုရောက်တော့ အမိုးချက်နေတဲ့ ညစာကို စားချင်လှပါပြီ။ အမိုးလည်း တုို့ စရာလေးတွေ အပြီးသတ်မြန်မြန်ဆန်ဆန်လုပ်ပေးပြီး ရော ကျမတို့ အားလုံး မစည်းရုံးရဘဲ ညီညီညာညာနဲ့ ထမင်းပွဲပြင်ကြပါတယ်။ စားချင်လှပြီလေ။ ရေကန်ဘေးမှာ ခုံရှည်ခင်းပြီး ပြင်ကြပါတယ်။ သိတဲ့အတုိုင်း ဒေါသထွက်နေတဲ့လူအုပ်ကြီးဟာ..အဲလေ..ဆာလောင်နေတဲ့လူအုပ်ကြီးဟာ ခေါင်းမဖေါ်စတမ်း ညစာကုိုအားပေးကြပါတော့တယ်။ စားပြီးတော့လည်း မာလကာသီးတုို့ ၊ သဘောင်္သီးတုို့ ၊လက်ဖက်တုို့ ကော်ဖီမစ်တို့ နဲ့ အချိုလေးတည်း။ ဒါပေမဲ့ စားတာကလည်း အနှစ်နှစ်အလလကထမင်းမစားခဲ့ရသလို ခဏလေးနဲ့ စားလိုက်တော့ အချိန်တွေက ပိုနေပါတယ်။ မှန်းထားသလို စားပြီးတာ နဲ့ အချိုပွဲလေးနဲ့ ကြယ်တွေကြွေတာထုိုင်ကြည့်ဘို့ ရာ လုံလောက်တဲ့အမှောင်ကမရောက်လာသေးပါဘူး။

ဒီတော့ ပိုကာလေးကစားရင်းစောင့်ကြမယ်ဆုိုပြီး ဧည့်ဆောင်ပေါ်ကို အကုန်တက်သွားကြပါတော့တယ်။ ပုိုကာမဆော့တဲ့သူတွေ ကလည်းဘေးမှာစားရင်းသောက်ရင်း လှဲတဲ့သူလှဲကြနဲ့ ပေါ့။ သူငယ်ချင်းဘိုမက ပိုကာသိပ်မကျွမ်းလို့ ပြန်သင်ပေးရသေးတယ်။ ကစားရင်း စောင့်လိုက်ကြတာ တကယ်မှောင်လာတော့ ပိုကာဝုိုင်းက အရှိန်ရနေပြီ။ ပိုဆုိုးတာက ဘုိုမကလည်း ဘီဂင်နာဆုိုတော့ ဖဲသမားတုို့ ထုံးစံအတုိုင်း ဘီဂင်နာက နုိုင်စမြဲလေ။ သူကလည်း နုိုင်နေတော့ သိပ်သဘောကျနေပြီး ကြယ်ကြွေတာကို သူ့ အလှဲ့ ပြီးတဲ့ အချိန်ဖဲလေးပစ်ချပြီးတဲ့အချိန်မှာ ကသုတ်ကရက်နဲ့ ထွက်ကြည့်။ အလှဲ့ ရောက်ပြီလို့ အော်ခေါ်လိုက်ရင် ပြေးလာထုိုင်ကစားလိုက်နဲ့ တယောက်တလှဲ့ အဲဒီလို တက်သုတ်ရုိုက် ထွက်ကြည့်ကြပါတယ်။ ကိုယ့်နေရာကကျန်နေခဲ့တဲ့ပိုက်ဆံလေးတွေ ကိုလည်း စိတ်ပူရသေးတယ်။ ဘယ်သူကနောက်ပြီး ဘုန်းလိုက်မလဲလို့ ။ ဒါနဲ့ ကြယ်ကြွေတာကို ရည်ရွယ်ထားသလို တချိန်လုံးစောင့်ကြည့်မနေကြတော့ပါဘူး။ နုိုင်တဲ့သူကလည်းပိုနုိုင်ချင်။ ရှုံးတဲ့သူကလည်း ရှုံးမဲမဲ နဲ့ ကုိုယ့်ရဲ့နုိုင်မဲ့အလှည့်လေးကိုမြှော်နဲ့ ပေါ့။ သူငယ်ချင်းမတယောက်ကလည်းတိုက်တိုက်ဆုိုင် ၀မ်းတွေလျှောနေခဲ့သေးတော့ ရေအိမ်ကထွက်လာတဲ့အချိန်မှာ တော့ အပြင်ကိုထွက်ထိုင်ပြီး ၀တ်ကျေတန်းကျေတော့ကြည့်ပါသေးတယ်။ ဒါပေမဲ့လည်း သူ့ ဝမ်းနာသူသာသိဆုိုသလိုဖြစ်နေတော့ သူ့ အာရုံကလည်း ကောင်းကင်ပေါ်မှာ အချိန်ပြည့် ရှိမနေခဲ့ပါဘူး။

ဒီတော့ လာရင်းကိစ္စအထမြောက်ရလေအောင် မှန်ဘီလူး နဲ့ ကောင်းကင်ကို စိတ်ဝင်တစားကြည့်နေတဲ့အမိုးကိုဘဲ စောင့်ကြည့်ဘို့ တာဝန်ပေးရပါတော့တယ်။ (အမိုးကလည်း တက်ကြွစွာ ဆင်နွှဲပါတော့တယ်။)ဟုတ်တယ်လေ။ ကိုယ်ကနောက်ဆံတငင်ငင်နဲ့ ထွက်ကြည့်တဲ့အချိန်မှာလည်း သူကကြွေချင်မှကြွေတာ။ သူစိတ်ရောကုိုယ်ပါကြွေနေတဲ့အချိန်မှာလည်း ကုိုယ်ကကြည့်ဖြစ်ချင် မှကြည့်ဖြစ်တာ။ ကံကောင်းတဲ့အလှည့်ဆုိုရင်တော့ ဖဲလေးကလည်းနုိုင် ထွက်ကြည့်တဲ့အချိန်မှာ ကြယ်မုိုးတွေကလည်း အများကြီးရွာ ..အဲ..ကျမတို့ စကားနဲ့ ဆုိုရင်တော့ ကြွယ်တွေကလည်း အများကြီးကြွေပေါ့။ ဒီလုိုနဲ့ ကျမတို့ ရဲ့ကြယ်ကြွေများစောင့်ကြည့်ခြင်းမဟာစီမံကိန်းကြီး ဟာကနဦးလျာထားသလို မဖြစ်လာခဲ့ပါဘူး။ စီမံကိန်းကို အကောင်အထည်ဖေါ်မဲ့သူများ ရဲ့လုံ့ လနည်းပါးမှု၊  အပျော်အပါးမက်မှု နဲ့ အချိန်မလုံလောက်မှုတို့ ကြောင့် စွမ်းစွမ်းတမံ အကောင်အထည်မဖေါ်နုိုင်ခဲ့ပါဘူး။

ဒါပေမဲ့  တညလုံးနီးပါး  အမိုးရေ....ကြယ်တွေကြွေရဲ့လား လို့ တယောက်တလှည့်မေးသံကတော့ မှန်မှန်ကြီးကြားနေရပါတယ်။ အမိုးကလည်း ...မကြွေဘူးဆရာမရေ...ကြွေတယ်ဆရာရေ...ဆရာတုို့ ဆရာမတို့ ရေ.အများကြီးကြွေနေပြီ... နဲနဲလေးကြွေတယ်ဆရာမရေ.. နဲ့ ကျမတုို့ သူ့ ကို သုံးဆောင်ဘို့ ပေးထားတဲ့ မုန့် လေးတွေစား၊ ကော်ဖီသောက်၊ ရေနွေးဗူးတွေဖြည့် နဲ့ သူတယောက်တည်း ကြယ်ကြွေညကို  ပျော်ပျော်ကြီး ဆင်နွှဲသွားခဲ့ပါတော့တယ်။  မနက်လင်းအားကြီးတော့ အားလုံးဒေါင်းကုန်ပြီး ကြုံသလို လှဲအိပ်ကြပါတယ်။ ဒါပေမဲ့ ဖဲမကစားဖြစ်ဘဲ ညတ၀က်လုံး ၀မ်းသွားနေတဲ့သူငယ်ချင်းက မနက်ကျတော့ ဗိုက်ဟာနေပြီလေ။ သူနဲ့ မမနဲ့ ဦးဆောင်ပြီး မနက်ခြောက်နာရီလောက်ကျတော့ ဧည့်ဆောင်လေး ရှေ့မှာ ဖုိုထားတဲ့ တညလုံး ဘယ်သူမှ အသိမှတ်ပြုခြင်းမခံရတဲ့ ထင်းမီးဖုိုလေးမှာ အကြော်တွေ စတင်ကြော်နေကြပါပြီ။ ကျမကြိုတင်ပို့ ထားတဲ့ အကြော်မှုန့် တွေ ဘူးသီး တွေ ၊ ခရမ်းသီးတွေ၊ အာလူးတွေ၊ မြင်းခွာရွက်တွေ၊ အသင့်ဖျော်ပြီးသားအချဉ်ရည် တွေ ဆလတ်ရွက်တွေ နံနံပင်တွေ ဂေါ်ဖီတွေ ဟာ စီမံကိန်းကြီး မအောင်မြင်ခဲ့ပေမဲ့လည်း နဲနဲလေးမှ အလေအလွင့်မဖြစ်သွားခဲ့ပါဘူး။ ပူပူနွေးနွေး အကြော်စုံတွေနဲ့ ၊ ရေနွေးကြမ်းတွေ၊ ကော်ဖီပြင်းပြင်း (ကော်ဖီမစ်ကို အကုန်လုံး ၂ထုတ်ထဲ့ကြပါတယ် တခွက်ကို) တွေ ကိုကန်ရေပြင်ဘေးမှာ ထုိုင်ပြီး စားသောက်ရင်း ညကမကြည့်လိုက်ရတဲ့ကောင်းကင်အလှ ကို မနက်စောစော ကန်ရေပြင်အလှ နဲ့ အစားထုိုး ခံစား ပြီး ညကအကြောင်းစမြုံ့ပြန်ကြပါတယ်။ အပြန်လမ်းတလျှောက်လုံးမှာ ညက လွတ်သွားတဲ့ကြယ်ကြွေတွေနဲ့ ပိုကာဝိုင်းက အရှုံးအနုိုင်တွေ ပြန်စမြုံ့ ပြန်ကြရင်း..............

အမိုးရေ...ကြယ်တွေကြွေရဲ့လား.. ဆုိုတာကိုဘဲ သဘောကျနေကြပြီး၊  တတွတ်တွတ်ရွတ်လို့ တ၀ါးဝါးရယ်မောရင်း  ပြန်လာကြပါတော့တယ်ရှင်။


ခင်မင်လေးစားသော..
အိုင်အိုရာ



မှတ်ချက်။
  ကျမကြည့်တဲ့အချိန်မှာတော့ သုံးလေးနေရာလောက် ကြယ်တွေကြွေတာကို   မြင်ခဲ့ရလို့ စိတ်လှုပ်ရှားပြီး ပျော်ခဲ့ရပါသေးတယ်။ အမိုးလည်း တယောက်တလှည့်ပေးကြတဲ့ မုံ့ ဘိုးတွေနဲ့       ထားခဲ့တဲ့စားစရာတွေ  နဲ့ ပျော်ပြီးကျန်နေခဲ့လေရဲ့။ ဆရာမတို့ ဘယ်တော့ထပ်လာအုန်းမလဲလို့ မေးပြီး ကျမတို့ နောက်ထပ်လာမှာကို မျှော်လို့ ကျန်နေခဲ့ပါတယ်ရှင်။




Wednesday, August 10, 2011

ကျမချစ်သောနေရာလေး

ကျမအိပ်တဲ့အခန်းကနေလှမ်းရုိုက်ထားတဲ့ပန်းခင်း

ကျမနေတဲ့နေရာကနေ လေးငါးနာရီလောက်ကားနဲ့ သွားရင်ရောက်တဲ့ Covelo ဆုိုတဲ့မြို့လေးက ကျမကိုသိပ်ချစ်တဲ့ အမေရိကန် သူငယ်ချင်းစုံတွဲရဲ့အိမ်ပါ။ ကျမ က country home လေးတွေကို သိပ်သဘောကျပါတယ်။ စိတ်ကူးထဲမှာလည်း ကိုယ့်စိတ်ကြိုက် country home လေးတအိမ်လောက် ဆောက်ချင်ပါတယ်။ ပိုင်ဆိုင်ချင်ပါတယ်။ (အိပ်မက်တွေလေ) ကျမအားတာနဲ့ တနေရာရာကို အမြဲသွားချင်ပါတယ်။ သွားရင်လည်း ပတ်ဝန်းကျင်တခုလုံး အလွတ်မပေးဘဲ အကုန်မလွတ်တမ်းကြည့်တာဘဲ။ ဓါတ်ပုံကလည်း အရမ်းရိုက်ချင်တယ်။ အခွင့်မသာနဲ့ သာတာနဲ့ ရုိုက်ပြီးသားဘဲ။




အိမ်ပတ်လည်ကို Deck ထုတ်ထားတော့ ပတ်ဝန်းကျင် ရဲ့အလှကို စိတ်တုိုင်းကျခံစားနုိုင်တယ်လေ။


အဲဒီတုန်းက ကျမမာစတာတက်နေတဲ့အချိန်ပါ။ စန်းထွန်းပြောသလိုဘဲ။ မျက်နှာနဲ့ စာအုပ်နဲ့ မခွာနုိုင်ပါဘူး။ ကျမလို အသက်ကြီးမှ ကျောင်းပြန်တက်တဲ့သူတွေ အတွက်ပိုလို့ ခက်တယ်လို့ ထင်ပါတယ်။  ယူတဲ့ဘာသာကလည်း အမေရိကန်တွေ ကတောင်ခက်လွန်းလို့ ဘာဘာသာယူတာလည်းမေးတုိုင်း သူတုို့ ကပြောပါတယ်။ ဟင် genetic ? ငါတို့ အတွက်တောင်သိပ်ခက်တာ။ ငါတို့ တော့ မင်းလောက်မလုပ်နုိုင်ဘူးတဲ့။ (ကျမလည်းသူတို့ လောက်မလုပ်နုိုင်ပါဘူးး))

ကျမ ပထမယူတာက Conservation Biology ပါ။ နောက်တော့ သူ့ ကို ယူရင် မယူမနေရ နောက်ထပ် နှစ်ဘာသာ ထပ်ယူဘို့ လုိုတာနဲ့  ကျမပိုသဘောကျတဲ့ Ecology and Systematic Biology ကို ပြောင်းယူပါတယ်။ ပိုသဘောကျတယ်ဆုိုပေမဲ့ ယူသင့်တယ်လည်း ထင်လို့ ယူတာပါ။ Systematic Biology ဆုိုတာ ခုနောက်ပုိုင်းမှ အရမ်းတွင်ကျယ်လာတဲ့ ဘာသာလို ဖြစ်လာပါတယ်။ ဘာကြောင့်လည်းဆုိုတော့ သူက ကွန်ပြူတာ ဆော့ဖ်ဝဲ တွေကို ကောင်းကောင်းတီထွင်ပြီးမှ Biologists တွေက DNA ကုိုရှာပြီး မျိူးစိပ်တွေ၊ မျိုးရင်းတွေ၊ စသဖြင့် အဆင့်ဆင့် evolution ဖြစ်တာကိုတွက်ပြီးမှ ခေတ်သစ်နည်း နဲ့ သတ္တ၀ါတွေ အပင်တွေ ရဲ့အဆင့်ဆင့်ဆက်စပ်ပုံ ကို လေ့လာတာပါ။ ဒါကြောင့် ဟုိုးတုန်း က Darwin တုို့ ၊ Rothschild တုို့ လိုခေတ်က ပြင်ပလက္ခဏာကို အသေးစိပ်လေ့လာပြီး မှ မျိုးခွဲထားခဲ့တာတွေကို DNA ရှာပြီးမှ ပြန်ခွဲတဲ့ဘာသာပါ။ ဒါကြောင့်မုို့ လို့ (အထူးသဖြင့်) ငှက်တွေ ဟာဟိုးတုန်းက ခွဲခဲ့တဲ့ family တို့  Genus တုို့ ကနေ နေရာတွေ ပြောင်းကုန်တာ အများကြီး ဖြစ်လာပါတယ်။ ကဲ...ကျမပြောချင်တာ ဒီဘာသာတွေ အကြောင်းမဟုတ်ပါဘူး။(ဘေးကချော်ချင်သေးတယ် ..း)) အဲဒီလို ခက်တယ်ဆိုတဲ့ ဘာသာကို ယူမိပြီး ကုိုယ်တုိုင်လုပ်တဲ့ Research ကလည်း ဓါတ်ခွဲခန်း မှာ စိတ်ဖိစီးမှုများစွာနဲ့ လုပ်ပြီး ကုိုးကားစာအုပ်တွေကို ခေါင်းမဖေါ်စတမ်းဖတ်နေခဲ့ရတဲ့ ကျမ သိပ်ချစ်တဲ့ ဒီနေရာလေးအကြောင်းပါ။


အဲဒီလို ခေါင်းမဖေါ်နုိုင်လောက်အောင် ကျောင်းရယ်၊စာမေးပွဲတွေရယ်၊ ကျမရဲ့ဓါတ်ခွဲခန်းရယ်၊ စာတမ်းရယ်၊ တွေနဲ့ အပူလုံးကြွ လူလုံးမလှဖြစ်နေတဲ့ကျမကို ကျမရဲ့သူငယ်ချင်းတွေ ကဘာမှမလုပ်နဲ့ ။ အပန်းဘဲဖြေ ဆိုပြီး ခဏခဏခေါ်သွားလို့ ကျမ ရဲ့အပန်းပြေရာနေရာလေးမို့ ကျမသိပ်ချစ်တာပါ။ ကြည့်ပါအုန်း။ ပတ်ဝန်းကျင် ကလည်း စိမ်းစုိုပြီး ဟိုးအဝေးကို လှမ်းကြည့်ရင်လည်း ဆွတ်ပျံ့လွမ်းမောဘွယ်ကောင်းတဲ့ နှင်းတွေဖုံးနေတဲ့ တောင်တန်းကြီးတွေ ကို မျက်စိတဆုံးမြင်နေနုိုင်တယ်။ ကျမတင်မကဘူး။ မြင်ဘူးသူတုိုင်း သဘောကျမှာ သေချာပါတယ်။

ကျမအိပ်တဲ့အခန်းကနေ ကြည့်ရင် ပန်းတွေရော ငှက်တွေရော တွေ့ ရတယ်။ ကျမ အိပ်ခန်းဘေးမှာ Bird feeder တွေလည်း အများကြီးရှိတော့ ငှက်တွေကလာကြတယ်လေ။ ရောက်တာနဲ့ အဲဒီ Bird feeder တွေထဲကို နေကြာစေ့တွေ လိုက်ဖြည့်ကြတယ်။ ကျမကတော့ ကျမစားလိုက် သူတို့ အတွက်ဖြည့်လိုက်ပေါ့။

သစ်ပင်အောက်ကသစ်သားခုံလေးက ကျမငှက်ကြည့်ရင်းစာကျက်ခဲ့တဲ့နေရာလေးပါ။ Daffodil ပန်းတွေကလည်းအနှံ့ ပွင့်နေခဲ့တယ်။

အဲဒီသစ်ပင်အောက်ကခုံလေးမှာ မှန်ဘီလူးရယ်၊ ငှက်စာအုပ်ရယ်၊ ကျောင်းစာအုပ်တွေရယ်၊ လက်တော့ပ်ရယ်၊ မုန့် တွေရယ် အများကြီးချထားပြီး တွေးချင်ရာတွေတွေးနေခဲ့တာပေါ့။ ကျမယူတဲ့ဘာသာထဲမှာ Ornithology ဆုိုတဲ့ ငှက်တွေကို လေ့လာတဲ့ဘာသာလည်းပါတော့ မှန်ဘီလူးနဲ့ ငှက်တွေကြည့်တဲ့အချိန် မှာ ကိုယ်က ကျောင်းစာလက်တွေ့ လုပ်နေသလိုလို ဘာလိုလိုဆုိုတော့ အဲဒီဘာသာယူထားတဲ့အချိန်တုန်း ကတော့ စာမေးပွဲကို မုန်းပေမဲ့ (ကုိုညီလင်းသစ်လိုတော့ စာမေးပွဲကို ဘယ်တုန်းကမှ သဘောမကျခဲ့ဘူးပါဘူး။ မုန်းဘဲမုန်းတယ်) ငှက်ကြည့်ရတဲ့အချိန်တွေမှာတော့ အပန်းဖြေရသလိုဘဲ ခံစားရပြီး ပျော်မိတယ်။


အိမ်ပတ်ဝန်းကျင်ကို လမ်းလျှောက်ထွက်ရင် ဒီလိုမျိုး (ကျမချစ်တာမဆန်းပါဘူးနော်)

မနက်ဖက်ဆိုရင် အိမ်ပတ်ဝန်းကျင် ကို လမ်းလျှောက်ထွက်တယ်။ မှန်ဘီလူး လေးလွယ်ပြီး ငှက်စာအုပ်လေး ကုိုင်ပြီးပေါ့။ သူငယ်ချင်းစုံတွဲက ခုမြင်နေရတဲ့ နေရာကုိုပါ ၀ယ်ချင်တာ။ အဲဒီပိုင်ရှင်ကလည်း မြေတွေအကျယ်ကြီး ၀ယ်ထားတာ။ ဒီနားကုိုမရောက်ခင်မှာ တခါတခါ မြင်းတွေ အစာစားနေတာ တွေ့ရတတ်သေးတယ်။ မြင်းတွေကို အဲလို ကွင်းထဲမှာ တွေ့ တော့ ငယ်ငယ်တုန်း က နုိုင်ငံခြားကားတွေထဲမှာ ကောင်းဘွိင်မင်းသားတွေ မြင်းစီးတာတွေ တောင်သတိရမိသေးတယ်။ ဒီလိုမျိုးရုပ်ရှင်ထဲက ရှုခင်းမျိုးတွေ ကုိုယ့်ဘ၀မှာ မျက်မြင်တွေ့ ရမယ်လို့ မထင်ထားခဲ့မိပါဘူး။

ခြံထဲကနေ ခူးထားတဲ့ပန်းတွေက စီစီရီရီ ငွားငွားစွင့်စွင့်

 ပြန်ကြမဲ့ရက်ကျရင်တော့ ခြံထဲမှာ ပွင့်နေတဲ့ပန်းတွေရှိရင် ခုလိုခူးပြီး ကတ်ထူပုန်းတွေထဲထဲ့ထားပါတယ်။ ကျမရဲ့အမေရိကန် မမကြီး က ပန်းခူးတော့မယ်ဆိုရင် ပလတ်စတစ်ခွက် တွေအများကြီးထုတ်လာပါတယ်။ ပြီးရင် ရေအရင်ဖြည့်ပြီးမှ ပန်းခူးတဲ့ သွားလေရာနေရာကို သယ်သွားပါတယ်။ ပန်းကိုဖြတ်ပြီးတာနဲ့ သယ်လာတဲ့ရေခွက်ထဲတန်းထဲ့တာဘဲ။ ကျမကလည်း ဒီလိုမျိုး အသီးအပွင့်တွေ ခူးရမယ်ဆိုရင်တော့ လာထားဘဲ။ မမုန်းတမ်းလုပ်တယ်။ (ဒါတောင် အထို်င်အထခဏခဏလုပ်ရတာ မကြိုက်တတ်လို့ ။)

ကားနောက်ခန်းထဲထဲ့ပြီးသွားပြီ

 အဲဒီ ခရမ်းရောင်ပန်းလေးက မြေကြီးကနေ အပွင့်တံလေးတန်းထွက်ပြီး ပေါက်တာ။ သေးသေးလေးတွေ။ သိပ်မကြီးဘူး။ အဲဒီပန်းကို ခူးရတာ သေးတော့ အကြာကြီး  ဒူးထောက်ပြီး ခူးမှ တော်တော်များများရတာ။ ကျမက ခရမ်းရောင် တုို့ မရမ်းရောင်တုို့ သိပ်နှစ်သက်တော့ ဒီပန်းကို ဒုက္ခခံပြီး ခူးရပေမဲ့ ပန်းလေးတွေကို စုပြီးကြည့်ရင် သိပ်လှလို့ ပျော်နေတာပါဘဲ။

မြေပေါ်ကပန်းနဲ့ ကားပေါ်ကပန်းတုို့ အလှချင်းပြိုင်နေကြတယ်လေ

အိမ်ရောက်ရင် မမကြီးက သူ့ သူငယ်ချင်းတွေကို လည်း ပန်းတွေ လက်ဆောင်လိုက်ပေး။ ကျမကို လည်း ကြိုက်တဲ့အိုးယူစေ။ ကျမလည်း ကြိုက်သလောက်ယူလာပြီး အခန်းထဲမှာ ပတ်ချာရမ်းပန်းအိုးတွေ ထားပေါ့။ ဘုရားပန်းလည်းတင်ပေါ့။ ဒါပေမဲ့ သိပ်လုံနေရင်တော့ တံခါးလေးဟရတယ်။ ညကျရင် ဒီပန်းတွေ ကအရမ်းမွှေးလာတတ်လို့ လေ။
ပြန်ခါနီးလေး ၀အောင်ကြည့်သွားအုန်းမယ်

အပြန်လမ်းကတိမ်တွေ (ဒီပုံမြင်တော့KOMကိုသတိရမိသေး)

ကျမရဲ့အမေရိကန် မမကြီးက အသွားအပြန်တလျှောက်လုံး အမေရိကန် တွေရဲ့စီးပွါးရေး တွေ၊ နုိုင်ငံရေးတွေ၊ ရက်အင်ဒီးယန်းတွေ၊ လမ်းမှာတွေ့ တဲ့ ထူးခြားတာမှန်သမျှတွေ အကုန်ပြောပြသွားတယ်။ သိပ်နားထောင်ကောင်းသလို သူ့ ကြောင့်မို့ လို့ တော်တော် နှံ့ နှံ့ စပ်စပ်သိရတယ်။ အိမ်ပြန်ရောက်ပြီးရင်တော့ ကျောင်းစာတွေနဲ့ နပန်းပြန်လုံးခဲ့ရတော့တာပေါ့။ ခုတော့ ၀ဋ်ကျွတ်သွားပါပြီ။ အဲဒီနေရာလေးလည်း မအားလို့ မရောက်တာ အတော်ကြာနေပြီ။ ပြောရင်းနဲ့ လွမ်းလာပြီ။

ပြောနေကျအတုိုင်း..ဒီထိသီးခံပြီးဖတ်လာတာ ကျေးဇူးတင်ပါတယ်လို့။
ခင်မင်လေးစားသော..
အိုင်အိုရာ