Santa Cruz Visit - ကြွေပန်းပွဲတော် နဲ့ Mystery Spot

လမ်းဘေးမှာတွေ့ ခဲ့တဲ့ ဆည်

ကျမနေတဲ့မြို့ကနေ Santa Cruz ကို ၂ နာရီ လောက် ကားမောင်းရင် ရောက်ပါတယ်။ ဒါပေမဲ့တောင်တက်လမ်းဖြစ်လို့ မောင်းသူတော့ စိတ်ပင်ပန်းရပါတယ်။ Mystery Spot က အသွားမှာ ၀င်လို့ မရသေးလို့ လက်မှတ်ဝယ်ပြီး Santa Cruz ကပြန်မှ ၀င်ဖြစ်တာဆုိုတော့ နောက်ပိုင်းကျမှ အစဉ်အတုိုင်းအလည်ခေါ်သွားမယ်နော်။

ဒီလမ်းကကျဉ်းပြီးကားများတော့ မောင်းတဲ့သူတွေ စိတ်ပျက်ကြတယ်။

ဒီခရီးက မနှစ်က သွားထားတာပါ။ Santa Cruz က ကယ်လီဖုိုးနီးယားပြည်နယ်၊ ပစိဖိတ်ပင်လယ်ကမ်းခြေနဲ့ တောင်ပေါ်သစ်တောတွေကြားမှာ ရှိတဲ့ မြို့လေးတစ်မြို့ဖြစ်ပြီး ကမ္ဘာလှည့်ခရီးသွားတွေ နှစ်သက်တဲ့နေရာလေးလည်းဖြစ်ပါတယ်။ ဒီမြို့လေးက အပန်းဖြေစရာ ကမ်းခြေ  အပြင်အနားမှာ နားလည်ရခက်ပြီး ထူးဆန်းတဲ့နေရာလေး (Mystery Spot) လည်း ရှိတာကြောင့် လည်းကမ္ဘာကျော်နေရပြန်ပါတယ်။

မူးရင်မမောင်းနဲ့ မောင်းရင်မမူးနဲ့ တဲ့။ (အမေရိကန်တွေက အမူးသမား ဗရုတ်သုက္ခမောင်းလို့ ကတော့ လက်မနှေးဘူး။ တုိုင်ပြီးသားဘဲ)။

ဒီလိုဘေးတဘက်တချက်မှာ သစ်ပင်တွေရှိတဲ့လမ်းဆို သိပ်သဘောကျပါတယ်။ နေပြင်းနေလို့ ထင်ထားသလို မလှဘူးရုိုက်ရတာ။

 ချောကလက်လေးတွေတန်းစီ..အဲလေ..ရေအိမ်လေးတွေတန်းစီလို့ ။ ဘီဂုိုးနီးယားပန်းပွဲတော်ရှိလို့ ထင်ပါတယ်။

Santa Cruz နားက Capitola မှာ ဘီဂုိုးနီးယား (ကြွေပန်းတုို့ ၊မင်းသားကြီးခေါင်းပေါင်းတို့ လိုအပင်မျိုးတွေ) ပန်းပွဲတော်ရှိတယ်ဆုိုပြီး သူငယ်ချင်းအမေရိကန်မလေးက ခေါ်တာ နဲ့ သွားဖြစ်ကြတာပါ။ Begonia ဆုိုတာ ကျမတို့ က ကြွေပန်းတုို့ ၊ မင်းသားကြီးခေါင်းပေါင်းတို့ ခေါ်တဲ့ပန်းမျိုးတွေဖြစ်ပြီး အပွင့်တွေရော အရွက်တွေရော သိပ်လှလို့ ပန်းစိုက်တာနှစ်သက်သူတွေ သိပ်ကြိုက်ကြတာပေါ့ရှင်။ ကျမ ကချင်ပြည်နယ်က ဖွန်ကန်ရာဇီ ရေခဲတောင်ကုို သွားခဲ့တုန်းကဆို မဲမှောင်နေတဲ့ကချင် အမြဲစိမ်းတောတွေရဲ့စွတ်စုိုတဲ့ သစ်တောကြမ်းပြင်ပေါ်မှာ အဲဒီအပင်တွေ ကိုမကြာခဏတွေ့ ခဲ့ရတာကို မှတ်မိနေပါသေးတယ်။ အထူးသဖြင့် ချောင်းတွေဖြတ်ရတော့မယ်ဆုိုရင် ချောင်းကမ်းပါးယံတွေအထက်နားက တောင်စောင်းတွေမှာ မကြာခဏတွေ့ ရပါတယ်။ အဲဒီတုန်းက တောထဲမှာပန်းတွေ အဖူးတွေနဲ့ စိမ်းလန်းတောက်ပနေတဲ့ အရုိုင်းပင်တွေတွေ့ တော့ပန်းအိုးတွေနဲ့ သာမြင်ဘူးခဲ့တဲ့ ကျမ သိပ်စိတ်လှုပ်ရှားပြီး ပျော်ခဲ့တာပေါ့။ ပင်ပန်းခက်ခဲတဲ့ကြားက ဓါတ်ပုံတွေလည်း ရုိုက်ဖြစ်ခဲ့ပါတယ်။ ဒါပေမဲ့ အဲဒီတုန်း က ဒစ်ဂျစ်တယ်ကင်မရာ နဲ့ မဟုတ်တော့ ဓါတ်ပုံတွေ က အိမ်က ကျမရဲ့စာအုပ်ဘီရုိုထဲမှာဘဲ ကျန်ခဲ့ပါတယ်။

ဝိုင်ကန်ထရီးဆုိုတဲ့အတိုင်း ဘယ်သွားသွား စပျစ်ခင်းတွေဖြတ်သွားရတယ်။

မြို့စ၀င်တာနဲ့ အင်းတွေ ဟိုတယ်တွေ စတွေ့ ရပြီ။

အလှအပ ဆင်တဲ့ပစ္စည်း ရောင်းဆုိုင်လေး (မ၀င်ခဲ့ရပါဘူး ဗိုက်ဆာနေကြလို့ )။

ဒီလိုဆုိုင်တန်းလေးတွေ ကယ်လီဖိုးနီးယားမှာ တော်တော်တွေ့ ရတယ်။

လွမ်းပါတယ်ဆုိုမှ။ ထန်းပင်တွေ ထူးထူးခြားခြားတွေ့ ရတော့ အညာကိုသတိရမိသွားတယ်။

Mobile homes

သူငယ်ချင်းအမေရိကန်မလေးက ဒီနေရာလေးမှာနေပါတယ်။ သူ့ အိမ်ကိုဝင်ပြီး ပါလာတဲ့အစားအသောက်တွေ စားကြပါတယ်။ မှတ်မှတ်ရရ အဲဒီနေ့ က ထုံးစံအတုိုင်း လက်ဖက်သုပ်တွေရယ်၊ ထမင်းရယ်၊ ပဲကြာဆံကြော်ရယ်၊ ဆီထမင်းနဲ့ ငါးခြောက်ကြော်ရယ် နဲ့ စိမ်းစားဥ တွေလှီးစိပ်ပြီးယူသွားပါတယ်။ သူငယ်ချင်းမလေးချကြွေးတဲ့ စမူဆာရယ်ဒီမိတ်ကြော်တွေလည်း အုပ်လိုက်ကြပါတယ်။ ကျန်တဲ့လက်ဖက်ကိုတော့ သူငယ်ချင်းမလေးကို ပေးခဲ့ပါတယ်။ သူကလည်း ကျမချက်တဲ့ဟင်းတွေ နှစ်သက်စွာအားပေးတတ်သူလေးပါ။ ပြီးမှ ကမ်းခြေကို သွား ပန်းပွဲတော်လည်း ရှိတယ်ဆုိုတော့ အဲဒီကိုဆက်သွားကြဘို့ စဉ်ကြပါတယ်။ တကယ်တော့ အဲဒီတော့မှသိတယ်။ ပန်းပွဲတော်က တရက်လိုသေးတယ်ဆုိုတာကို။

Mobile homes

အပေါ်မှာတင်ထားတဲ့ မိုဘုိုင်းဟုမ်းတွေ (Mobile homes) ကတစ်မျိုး။ သူ ကရွှေ့ပြီး သွားနေတဲ့ ယာဉ်နဲ့ လုပ်ထားတာမျိုး မဟုတ်ပါဘူး။ အိမ်ကို ဘယ်နေရာမှာမဆို ဒီပုံစံအတုိုင်း ပြောင်းရွှေ့ဆောက်နုိုင်အောင် စီမံထားတဲ့အိမ်မျိုးတွေပါ။ ဈေးကလည်း ကြီးပါတယ်။ အိုင်အိုရာ အမှတ်မမှားဘူးဆုိုရင်တော့ သူငယ်ချင်းမလေး ပြောတာ ဒေါ်လာ ၆သိန်းတန်တယ်လို့ ထင်ပါတယ်။

ရောက်ပြီ အိမ်နောက်ဖေး လိုလို ဘေးလိုလိုမှာ ကားရပ်ကြ (ပုံထဲကသူများကားတွေပါ)။

နောက်ဖေးလမ်းကြား မြန်မာပြည်ကိုမမှီဘူးနော်

မေပယ်ပင်ကတော့ဘယ်တော့တွေ့ တွေ့ ရုိုက်တယ်။ သိပ်သဘောကျလို့ ။

သူတို့ ရဲ့နောက်ဖေးလမ်းကြားလေးမှာ နားနားနေနေထိုင်ဘို့ ခုံတန်းလေးကတော့ အိုင်အိုရာ့ အကြိုက်ပေါ့။

အဲဒီနောက်ဖေးလမ်းကြားကိုလျှောက်ပြီးမှ ဟုိုဘက်ထိပ်မှာ ကားပြန်တက်စီးပါတယ်။ အဲဒီအိမ်လေးတွေ အားလုံးနောက်ဖေးမှာ ပန်းခြံလှလှလေးတွေ လုပ်ထားကြတယ်။

တွေ့ သမျှ အကုန်ရုိုက်

ဒါကဘာရုိုက်ထားတာပါလိမ့်။

ဒါကတော့ Deck လေးကို သဘောကျလို့ ။

ဒီလိုမျိုး အပြင်ကုိုလှမ်း မြင်နေရတဲ့ နေရာလေးကို ကြိုက်တယ်။

ဘိခ်ျကိုရောက်ပြီ နေကတော့ ပူသလားမမေးနဲ့ မျက်စိကိုကျိန်းနေတာဘဲ။

လူတွေ လူတွေ ပုရွက်ဆိပ်တွေ အလား ပြွတ်ခဲနေတာဘဲ။

အုိုင်အိုရာကတော့ ငွေဆောင် နဲ့ မလဲပေါင်။

 လူတွေလည်း နေစာလှုံ၊ စင်ယော်တွေလည်း နေစာလှုံ ၊ လူတွေလည်း ရေကူး စင်ယော်တွေလည်း ရေကူး၊ လူတွေလည်း အစာစား စင်ယော်တွေလည်း အစာစား ၊ လူတွေလည်း ဟုိုကြည့်ဒီကြည့် စင်ယော်တွေလည်း ဟုိုကြည့်ဒီကြည့် ။

နိဗ္ဗာန်သောင်ကမ်းဆုိုပါလား

ရှေ့မှာတွေ့ လာတဲ့ပင်လယ်နဲ့ ဒီချောင်းလေးက ဆက်နေတယ်လေ။ ဒီချောင်းထဲမှာ ကြွေပန်းတွေနဲ့ အလှဆင်ထားတဲ့ လှေတွေ ဖေါင်တွေကိုအလှပြစီးကြကကြပါတယ်။

ဘီဂုိုးနီးယားပန်းပွဲတော်အတွက်ပြင်ဆင်နေကြတယ်။ ပုသိမ်ထီးနဲ့ တူလို့ ရုိုက်လာတာပါ။ အဲဒီထီးအပေါ်မှာကပ်ထားတဲ့ သံစကာပါးပါးလေးအပေါ်မှာပန်းတွေကပ်ထဲ့မှာလေ။

ပွဲတော်နဲ့ ကမ်းခြေကကပ်လျက်ပါဘဲ။ဒီပွဲတော်စဖြစ်တာလေးကလည်းစိတ်ဝင်စားစရာ။ ၂၀ရာစုနှစ်လယ်ပိုင်းလောက်မှာ Brown family ဟာဒီနေရာလေးကို ရောက်ရှိလာပြီး ဒီမှာအခြေတကျ ရပ်တည်နုိုင်အောင် ဘယ်လို လုပ်ကုိုင်စားသောက်ရင်ကောင်းမလဲလို့ စဉ်းစားပြီး ရေရှည်အကျိုးရှိမဲ့ စိုက်ပျိုးပင်မျိုးတွေ နှစ်တော်တော်ကြာစမ်းသပ်စိုက်ပျိုးနေခဲ့တယ်တဲ့။ သူက ကြွေပန်းတွေ နှစ်သက်တဲ့ အေးပြီး စိုစွတ်တဲ့ ပင်လယ်ကမ်းခြေရာသီရှိတဲ့ ဒီ Capitola စခန်းလေးမှာ  ပစိဖိတ်ကြွေပန်း (Pacific Begonia) ကို  မျိုးစပ်ခဲ့တယ်။ သူက ကြွေပန်းမှာအကောင်းဆုံးပန်း ('the best flowers')  ဆိုတဲ့ ဂျာမဏီပန်းဥမျိုး နဲ့ ကြွေပန်းမှာ အကြံ့ခုိုင်ဆုံးဆုိုတဲ့ ဘယ်လ်ဂျီယမ်ပန်းဥမျိုးကို မျိုးစပ်လိုက်တာ ခုပွဲတော်မှာအမြတ်တနုိုးခင်းကျင်းပြသနေတဲ့ ပစိဖိတ်ဘီဂုိုးနီးယားကြွေပန်းကို ရခဲ့တယ်တဲ့။ အဲဒီပန်းမျိုး ဟာအောင်မြင်သွားလိုက်တာ ၁၉၃၀ နှစ်များကနေ ၁၉၇၀ နှစ်များထိ ကမ္ဘာ့ ဘီဂုိုးနီးယား ၉၀ရာခုိုင်နှုံးလောက် ဟာ Brown Bulb Ranch ကနေလာခဲ့တာပါတဲ့ရှင်။

ကြွေပန်းခင်းများကို Google earth မှာမြင်ရပုံ 

ပွဲတော်မှာ သုံးတဲ့ဘီဂုိုးနီးယား တွေက ဒီလိုပန်းပုံစံရောင်စုံတွေပါ (photo credit from google - http://www.blackmore-langdon.com/category/Begonias)

အဲဒီပန်းပင်မျိုးဟာ tuber ဥမျိုးပင်တွေဆုိုတော့ ပန်းတွေအစွမ်းကုန်ပွင့်ပြီးတာနဲ့ သူ့ ရဲ့ဥတွေကို တူးဆွပြီး ရောင်းချဘို့ စီစဉ်ရပါတယ်။ အဲဒီလို အစွမ်းကုန်ပွင့်အာပြီး လှနေဆဲပန်းတွေကို ပန်းမျိုးဥတွေ ဈေးကွက်ကိုရောက်ဘို့ စီးပွါးဖြစ်ရောင်းဘုို့ သာစိတ်ဝင်စားတဲ့ စုိုက်ပျိုးသူတွေက လုံးဝစိတ်မ၀င်စားဘဲ အမှုိုက်အဖြစ်သာသဘောထားခဲ့ပါတယ်တဲ့။ ဒါကို ကက်ပီတုိုလာက ရေကူးဆရာမ Peggy Matthews  က ဒီပန်းတွေ အလဟသနဲ့ အလေအလွင့်အမှုိုက်တွေအဖြစ် အချည်းနှီးဖြစ်နေရတာကို သတိမထားမိဘဲမနေနုိုင်အောင်ဖြစ်နေခဲ့ပါသတဲ့။ ဒီလိုနဲ့ ၁၉၅၁ ရဲ့တစ်ရက်သောနေ့ မှာတော့ သူမကို အဲဒီပန်းတွေ သူမကြိုက်သလောက်ဆွတ်ယူခွင့် ကုိုပေးခဲ့ပါသတဲ့။ အဲဒီနှစ်မှာဘဲ လှပတဲ့ဘီဂုိုးနီးယားကြွေပန်းတွေ အလှဆင်ထားတဲ့ ပန်းဖေါင်လေးတွေ အလှပြပွဲ စခဲ့တယ်လို့ သတ်မှတ်ခဲ့ပါတယ်တဲ့ရှင်။

ပွဲတော်အတွက်စပြင်ဆင်နေကြတာလေ။

နှစ်စဉ်လုပ်ခဲ့တဲ့ ကြွေပန်းပွဲတော်မှာ တင်ခဲ့တဲ့ အဆုိုလေးတွေကလည်းစိတ်ဝင်စားစရာ။ ဘာတဲ့..၁၉၆၇မှာ..ပန်းများနှင့်ကမ္ဘာတ၀ှမ်း..၁၉၆၈  မှာ ပင်လယ်ကမ်းကကြွေပန်း..၁၉၆၉  မှာ...မနေ့ ၊ ယနေ့ နဲ့ မနက်ဖြန်..၁၉၇၁  မှာ..လှပသောအိပ်မက်၊    ၁၉၇၈မှာ ....အချိန်တွေကုန်လွန်သွားတဲ့အခါ၊ ၁၉၉၉ မှာ..ပျင်းရိရသော ရူးသွတ်ရသော နွေရဲ့နေ့ များ၊ တဲ့။ ကျမသွားခဲ့တဲ့မနှစ်က တော့ ကမ်းခြေပါတီ! တဲ့လေ။ နှစ်သက်စရာမကောင်းဘူးလားရှင် ပွဲရဲ့theme လေးတွေက။

ဗီဒီယိုထဲကနေ ဖြတ်ကူးထားတာ အားလုံးသိပ်မကောင်းဘူး

အဲဒီဖရိမ်မှာ ပန်းတွေဆင်ကြမှာပေါ့

နေရာတုိုင်းမှာ ကြွေပန်းတွေ

ပွဲတော်အတွက်ပြင်ဆင်နေကြတာ။

ဒီလိုမျိုးတွေလည်းဈေးခင်းကြတယ်။ အဲဒီတုန်း ကတော့ Zumba ကိုသတိတောင်မထားမိခဲ့ဘူး။

 စပ်စောင် quilt အသစ် လေးတထည်လောက်တော့ပိုင်ချင်တယ်။ ဆုိုင်ရာပန်းခက်လေးတွေမှာ အေ ဘီ စီလေးတွေ နဲ့ ဟာမျိုးလေး။ ( အာ ဆုိုရင် နှင်းဆီခက်လေး နဲ့ တီဆုိုရင် တျူးလစ်လေးနဲ့ လိုမျိုးလေ)

ပွဲတော်ကျင်းပရေးကတင်ထားတဲ့ဓါတ်ပုံလင့် 

ဘီဂုိုးနီးယားပန်းပွဲတော် ကိုစိတ်ဝင်စားရင်တော့
http://www.youtube.com/watch?v=e_HAWFWQ6h4&feature=related

http://www.begoniafestival.com/index.html

http://en.wikipedia.org/wiki/Begonia မှာကြည့်နုိုင်ပါတယ်ရှင်။

ရန်ကုန်ကဆုိုက်ကားတွေ သတိရမိပါသေးရဲ့။

သူတို့ တွေဟာ ကားတင်မကဘူး ။ မော်တော်ဘုတ်တွေ လည်း အဲလို ၀ယ်ထားကြတယ်။ ကားတွေပေါ်မှာ မော်တော်ဘုတ်တွေ သယ်သွားပြီး ခရီးထွက်ကြတာလည်း လုပ်ကြတယ်။

ကဲ..ပွဲတော်ကသိပ်မစည်သေးပေမဲ့လျှောက်ရတာတော့ ညောင်းပြီနော်။ နောက်တော့မှ Mystery Spot ကိုအလည်ထပ်ခေါ်သွားပါမယ်ရှင်။ အခုတော့ ထရေလာလေးအရင်ကြည့်ထားနှင့်နော်။

တဲ့တဲ့မရပ်နုိုင်တဲ့နေရာ

ခင်မင်လေးစားသော...
အိုင်အိုရာ